一段改變我人生嘅旅程
- Luke Kiely
- 4天前
- 讀畢需時 2 分鐘
講真，我真係要多謝新冠肺炎。因為有佢，我展開咗人生入面最重要、最深刻嘅一段旅程。不過，代價都唔細。
醫學上叫做「長新冠」(Long Covid)，對我嚟講，就好似一個打唔走嘅拳手，時不時俾你幾拳，有時仲會嚟個上勾拳。
我係2022年感染新冠病毒，就喺開關之後，我開開心心飛去泰國旅行，點知就係嗰度中招。七日辛苦過後，檢測終於轉陰，我以為自己康復咗。
但現實冇咁簡單。
之後幾個月，我開始出現唔同症狀：鼻塞、疲倦、腦霧、胃酸倒流，最驚係心口痛。症狀時有時無，搞到我一時以為好返，一時又覺得唔對路。
當時我真係有諗過：「可能我就要咁樣捱落去。」
當時32歲，我嘅身體數據都唔靚：靜止心跳超過70，血壓135/90。但我心入面有個聲音話我知：「我唔可以接受咁樣過一世。」
於是，我開始咗自我修復之路，試過中醫、針灸、排毒果汁，乜都試。直到有一日，我搵到本書——《The New Science of a Lost Art, 呼吸革命》，作者James Nestor。
「呼吸，真係可以治療身體？」我半信半疑，但諗住無嘢輸，就開始跟住書入面練習。
練咗幾個星期，開始覺得好啲；再練多啲，真係再進步咗。不過，症狀都仲喺度。
就係呢個時候，我進入咗所謂「教授模式」。
我開始深入研究，學習——由中國古代氣功，到中東、再到西方嘅呼吸學同現代科學。越睇越發現：一個呼吸，原來可以影響身體幾十億個反應。
我開始自己做實驗，將唔同呼吸法用喺日常生活入面，實際記錄身體有咩反應，唔單止感覺上，更加有數據分析。
就係咁，我慢慢建立咗屬於自己嘅 功能性呼吸訓練系統。唔係靜態呼吸咁簡單，而係真真正正 訓練 呼吸，令身體唔同系統——神經、肌肉、骨骼、關節、大腦一齊合作。
呢個系統，先至係我真正康復嘅關鍵。
長新冠症狀完全消失，運動表現比以前更加好，情緒穩定咗好多。
唔講唔知，依家我靜息心率平均50，血壓都降返落110/80範圍， 真係健康番哂。
如果呢套方法可以幫到我，我深信都可以幫到你。
而家，我專注呼吸訓練，健康意識分享畀更多人——唔論你係長新冠、心肺功能差、術後康復、精神壓力大，或者係運動員想再突破表現，呼吸訓練都可以成為你嘅轉捩點。
呼吸，就係通往自我療癒、提升身心狀態嘅起點。只要你比心同身體合適嘅環境，奇蹟真係可以發生。
你有冇同樣經歷？
有
無
想了解多啲呼吸訓練可以點幫到你，可以網上預約免費諮詢
Comments